 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Прыбавілася клопату ў шпакоў –
Абмеркаваць маршрут і ў шлях сабрацца
I на прасторах скошаных лугоў
Стаяць стагі адзнакай рупнай працы.
Падперазаў фарсісты дужы дуб
Зялёны пояс хмелю з кутасамі
I ў яр глядзіць, дзе, выпіўшы ваду,
Аер шавеліць вострымі вусамі.
А верабей чырыкае ўвесь час –
Ён задаволен восеньскім парадкам.
З бусліхай бусел у апошні раз
У белых майках робяць фіззарадку.
Грукоча малатарня за сялом.
З-за хмар убачыць неба немагчыма.
Жывіцай хвойнай пахне новы дом,
I комін папярхнуўся першым дымам.
Зноў восень гаспадыняю прыйшла
I з новай збажыны – у дзьве асьміны –
Духмяных караваяў напякла,
А жар павыграбала на рабіны...
|
|
|
|
Падабаецца
Не падабаецца
|
|
|
2009–2021. Беларусь, Менск.
|
|
|
